Site Logo
ब्रेकिंग न्यूज़
  • अपक्ष उमेदवार काँग्रेस समर्थित नवनीत राणा ३६९५१ मतांनी विजयी
  • राहुल गांधी यांनी नरेंद्र मोदींना दिल्या विजयाच्या शुभेच्छा
  • पालघरमधून शिवसेनेचे राजेंद्र गावित विजयी
  • बारामती येथून सुप्रिया सुळे विजयी
  • सूरतमध्ये कोचिंग इन्स्टिट्यूटच्या इमारतीला आग, 15 विद्यार्थ्यांचा मृत्यू
  • सूरत अग्नीतांडवप्रकरणी मालकासह तिघांना अटक, अनधिकृतपणे सुरू होते क्लासेस

जागतिक महिलादिनानिमित्त कर्करोग तपासणी मोहिम शहरात रॅली

अमरावती, दि. 8 : जागतिक महिलादिनानिमित्त आरोग्य विभागातर्फे कर्करोग तपासणी मोहिम व शहरात रॅलीचे आयोजन करण्यात आले. इर्विन रूग्णालयात कर्करोग तपासणी मोहिमेचा शुभारंभ जिल्हा परिषदेच्या मुख्य कार्यकारी अधिकारी मनीषा खत्री यांच्याहस्ते करण्यात आला. जिल्हा शल्यचिकित्सक डॉ. श्यामसुंदर निकम कार्यक्रमाच्या अध्यक्षस्थानी होते. ही मोहिम आजपासून दि. 9 एप्रिलपर्यंत चालविण्यात येणार आहे. महिलांनी स्वत:च्या आरोग्याप्रती जागरूक राहिले पाहिजे. आरोग्याची वेळोवेळी तपासणी करून घेणे आवश्यक असते. त्यासाठी अशा मोहिमा उपयुक्त ठरतात, असे श्रीमती खत्री यांनी सांगितले. इर्विन रूग्णालयात जनजागृती रॅलीचा शुभारंभ करण्यात आला. डॉ. निकम यांनी रॅलीला हिरवी झेंडी दाखवली. नेहरू स्टेडियम येथे रॅलीचा समारोप करण्यात आला. श्रीमती खत्री यांच्यासह पोलीस आयुक्त संजयकुमार बाविस्कर हेही समारोपप्रसंगी उपस्थित होते. डॉ. तृप्ती जवादे, मेट्रन मंदा गाढवे, डॉ. मिसर, डॉ. शंतनू राऊत, डॉ. रामदास देवघरे, पवन दारोकर, अमित देशमुख, अमित वानखडे, पांडुरंग गोलमालू उपस्थित होते. उमेश आगरकर यांनी सूत्रसंचालन केले. उद्धव जुकरे यांनी आभार मानले.

Leave A Comment